來源：蘋果日報


近日合作唱新歌的官恩娜和陳日華，日前齊齊閒逛旺角女人街。

官恩娜和日籍華人 Hip Hop歌手陳日華合唱的新歌《 Dare to Be》，主題是說敢想就應該敢做。原來官恩娜 13歲已獨自離家出外留學，難怪多年來始終獨立自信，堅持不放棄。

官恩娜和陳日華（ NYCCA）早前相約到旺角女人街閒逛，又在茶餐廳飲下午茶。給媽媽買了囍字打孔機的 Ella，謙虛地說：「呢啲機會唔係成日都有，好開心可以同日華合作，之前已經覺得佢 Live表演好精采，我好鍾意佢嘅音樂。」


陳日華和官恩娜行到累便到茶餐廳嘆茶


女人愛購物，官恩娜對任何貨品都要觀賞一番。


夥拍大膽仔歌名開宗明義就是敢做敢承擔，原來兩個主角都膽大包天， Ella說：「我 13歲自己搵學校去英國讀書，搞掂晒先叫媽咪幫我簽名，之後仲冇人陪我，一個人去英國入學，其實真係我人生入面好大一個轉捩點，因為真係好訓練到我嘅自信同獨立。」
長居日本的 NYCCA更是以其演藝事業作賭注，他說：「本來我其實只係用日文去 Rap，後來諗諗吓，用廣東話 Rap好似幾過癮喎。後來日本有一個騷，好似大家都好鍾意，令我覺得大膽啲做先有自己 style。」
早前 Ella為無綫節目《超級巨聲》任嘉賓，歌藝終於冒出頭，她說：「我真係好感恩，新歌一路都有做，我會再花更多時間落去。」而 NYCCA會於下月推出全新日語大碟，他說：「今次新歌會同識咗十幾年嘅老友 DJ Tommy合作。」
採訪：藍文浩
攝影：林德雄、 Ming
場地提供：康樂茶餐廳
髮型提供：官恩娜（ Kei@HH）
服裝提供：官恩娜（ Miss Sixty）、陳日華（ Alexander Lee Chang）
首飾提供：陳日華（ Q-Pop）